Lexicon musicum Latinum
Los Angeles, The J. Paul Getty Museum, The Getty Center Ms. Ludwig XII 5, f. 37 Transcription: Shin Nishimagi (mai 2006)
^1/Sciendum ergo est, quod sine indubia cognitione istarum coniunctionum et vocum et omnium praedictarum regularum, ^2/non potest ullus cantor percipere de aliquo cantu certam inceptionem vel certam finem, neque omnino cuius modi sit cantus, autenticus an plagalis. ^3/Autenticus tunc appellatur cantus, cum elevatur super finalem suum, ^4/quia unusquisque cantus autenticus habet vim vel licentiam ascendendi usque in nonam vel in decimam vocem, ^5/et descendendi subter finalem suum usque in terciam vel in quartam vocem, ^6/sed tamen raro invenitur descendere nisi una voce. ^7/Plagalis dicitur cantus, quando plane et graviter cantat, ^8/quia non habet vim ascendendi nisi tantum modo usque in quintam vel sextam vocem. ^9/Simili modo vero usque ad sextam vocem descendere videtur.