Lexicon musicum Latinum
London, British Library (GB-Lbl) Arundel 299, f. 90r-v Transcription: Christian Meyer (mai 2006)
<90r> ^1<D>e igitur silencio transeamus quidditatem et divisionem musice pro cantum et divisionem musice tamquam ignorantibus.	1 cantum] tantum ms. | ignorantibus] ignorantes ms.
^2Dicendum est ergo quid sit musica. Musica est ergo scientia iocundissima homines honorans et decorans tripudiis, vocem rectificans, supernis placens. Hoc Bohecius. ^3Vel sic : Musica est corporis vel anime possessio disponens et habitans corpus et animam. ^4Vel sic : est ars docens voces formare, formatas naturaliter bmolliter vel duraliter per sonum accentuare. ^5Dicitur autem musica secundum aliquos a mois grece, quod est aqua latine, et ica scientia, quasi scientia inventa penes aquas. ^6Vel sic et melius dicitur a musis, i. fistulis orificium habens, eo quod Tubal ex sono fistularum proprietates et diversitates vocum et modorum consideravit et in consonancias redegit. ^7Vel dicitur musica quasi prebens et dans facilem modum cantandi.	2 vocem] vocum ms. 3 habitans] abituans ms. 6 orificium] ortum ms.
^8Sed divisio ipsius primo cedit in theoricam et practicam. De theorica nihil ad propositum, sed de ea traditur in libris Bohecii et Muris. ^9Sed musica practica illa est triplex scilicet cromatica, et est que ex vocibus mollibus componitur et de tali dicit Iohannes de muris quod aliqui fuere qui diviserunt ipsum diatesseron in semitonio minori primo et semitonio maiori secundo et tribus semitonii 4^or cordas componentes, ita quod tantum ex diversibus vocibus complectitur. ^10Et de tali eciam dicit Iohannes Muris diatonica autem est, que [est] tenens medium inter molle et durum et tamquam virtuosa existens in medio elicitur quia ipsa ex vocibus non nimis mollibus nec nimis duris, sed mediis constituitur. ^11Hinc monacordum tocius manus totam armoniam artis musice ex duris vocibus <90v> simul et mollibus complectitur. ^12Hinc Bohecius in prohemio sue musice testimonium prebuit dicens Platonem precepisse in musica tantum diatonica informandos quare hec sola servit nobis ad presens.	10 elicitur] illiciter ms.
^13De aliis autem duobus precedentibus dicit Iohannes Muris in 2^a parte sui (?) <tractatus> admirando quod in partibus nostris ubi religio katholica viget, nunquam in usum cecidere. ^14Nam et modum dubium est ubi hee musice et sub qua parte celi latitant. ^15Nichil plus opinor nisi contra naturalem inclinationem hominum vocumque est cantus fuit contraria. ^16Nam <per> huiusmodi genera musice vix aut nunquam humana vox concordaret neque de seipsa certa esset. ^17In instrumento tamen possibile est esse multum. ^18Nam dubito minime quoniam dura et aspera iniocundaque sit illa musica hominibus inbutis in 3° genere dyatonico in quo nos sumus. ^19Sed in genere diatonico idem in sua musica inquid parte 2^a capitulo eodem : omnis namque cantus ecclesiasticus quem sancti patres invenire et homines boni mentis et digne memorie mensuratur per tempora certa in conductis, modulis ceterisque modis.	15 contra] quia ms. 17 multum] mutum ? ms.