Leipzig, Universitätsbibliothek der Universität zu Leipzig (D-LEu) Lat. 1348, f. 90v Transcrit par Christian Meyer mai 2006	Lexicon musicum Latinum
Musica Muris
Musica <dicitur> a muson quodam instrumento musicali vel a modulamine, i. vocum debita consonancia de qua pertractat sic nuncupatur. Duos habet tractatus, quorum primus est de musica naturali, que habet fieri per voces corporum humanorum.
1. In quo primo premittit intentum per modum thematis, dicens ut bestialium voluptates.
2. Secundo exequitur ponendo 4 propositiones preambulas, quarum prima est de invencione et inventoribus huius artis, dicens omnes doctrinam.
3. Alie vero tres tractant in generali de consonantiis, que et quot sunt tales in propter simphoniam.
4. Tertio in speciali manifestat intentum de consonantiis per 18 theoreumata, i. propositiones declaratas per figuras sensibiles de quibus 9 fiant lectiones. Prima habebit tria. Secunda quartum et quintum. Tertia sextum. Quarta septimum. Quinta octavum, nonum, decimum et undecimum. Sexta duodecimum et 13^m. Septima 14^m. Octava 15^m 16^m 17^m. Nona 18^met ultimum.
Tractatus Ad secundam vero partem docet modum componendi quoddam instrumentum continens in se generaliter omnem cantum organicum quo ad omnes conditiones et principia presentis scientie.
1. Et habet duo capitula. In quorum primo docet invenire consonantias musicales per divisionem alicuius continui et plura <alia>	consonantias] consonantes ms.
2. Et sicut docet invenire tonum, semitonium et coma. Et erunt et lectiones 2^a ibi Itaque semitonium.
3. In secundo ponit divisionem monocordi. Ad cuius intentum premittit quedam preambula hiis expeditis.
4. Deinde exequitur ponendo ipsius monocordi divisionem Nunc ego concordo.
Deo gratias.