Lexicon musicum Latinum
Saint-Dié, Bibliothèque municipale (F-SD) Ms. 42, f. 59r-v Transcription: Christian Meyer (mars 2006)
cf. Iohannes dictus Cotto sive Affligemensis, De musica, ch. V.
<59ra> Multe quidem at diverse sunt monacordi dimenssiones, quas omnes enarrare tedium pocius quam proficuum legentibus generaret. Quapropter nos cupiositatem resecantes ex multis unam, que facilior atque celerior videbatur, regulis nostris inserere curavimus.
Primum igitur .Γ., i. Gama, in sinistra parte monocordi, ubi volueris ponito, a quo usque ad finem novem passibus equalibus metire. Quibus aequaliter dimensis, diligenter considera, quod primus passus terminabit in .A., secundus vacat. Tertius in .D. Quartus vacat. Quintus in .a. Sextus in .d. Septimus in .aa.. Reliqui vacant.
Item ab .A. usque ad finem, novenis passibus aequaliter partitis. Primus passus terminabit in .B. Secundus vacat. Tertius in .E. Quartus vacat. Quintus in [bq]. Sextus in .e. Septimus in .b. duplicatum. Reliqui vacant.
Item cum a .Γ. ad finem quaternos passus aequaliter dimensis. Primus passus terminabit in .C., <59rb> sc. in dyatesaron. Secundus in .G., sc. in dyapente. Tertius in .g., sc. in dyapason. Quartus finit.
Similiter a .C. ad finem quattuor passibus aequaliter dimensis, primus terminabit in .F. Secundus in .c. Tertius in .c. Quartus finit. Ab .F. autem quatuor passuum equaliter dimensis. Primus terminabit in .b. molle, secundus in .f. Reliqui vacant. A .d. vero quaternis passibus factis, primus terminabit in .g., quod iam positum est. Secundus in .d.d. Reliqui vacant.
Ab .f. quoque ad finem quattuor passibus partitis. Primus terminabit in .b. rotundum duplicatum. Reliqui vacant.	.f.] E ms.
Et in hac quidem dimensione, qua videlicet fit quaternis passibus, totum monochordum rectissime mensurare poterit, qui dilligentiam adhibere voluerit.
A quacumque enim nota ad finem monocordi quattuor equales passus fuerit, tres ex illis diatessaron, diapente necnon et diapason continent. Ultimus vero finit. Verbi gratia a .Γ. usque ad finem quattuor dimensis <59v> passibus primus terminabit in .C., quod est diatessaron Secundus in .G., quod est diapente. Tertius in .g., quod est dyapason. Eodem modo et reliquas invenire potes.	vero] non ms. usque ad finem] ad finem usque ms.
Explicit divisio monacordii. AMEN.